جازان میں موسلا دھار بارش اور تیز ہواؤں کی پیش گوئی

قومی مرکز برائے موسمیات نے آج جازان ریجن، بشمول جیزان شہر اور متعدد اضلاع میں درمیانے سے موسلا دھار بارش کی پیش گوئی کرتے ہوئے الرٹ جاری کیا ہے۔ اس موسمی صورتحال کے رات 9 بجے تک برقرار رہنے کا امکان ہے۔

مرکز کے مطابق اس دوران تیز رفتار ہوائیں چلیں گی، افقی حد نگاہ تقریباً نہ ہونے کے برابر ہوگی، ژالہ باری، سیلابی ریلے اور گرج چمک کے امکانات بھی موجود ہیں۔

یہ انتباہ الحرث، الدائر (بنی مالک)، الریث، العارضہ، العیدابی، فیفا، ہروب، الطوال، صامطہ، احد المسارحة، ابو عریش، ضمد، صبیا، الدرب، بیش اور مرکز الفطیحہ سمیت کئی علاقوں کے لیے جاری کیا گیا ہے۔

مرکز نے شہریوں کو ہدایت کی ہے کہ وہ خاص طور پر متاثرہ علاقوں میں احتیاط برتیں اور متعلقہ اداروں کی ہدایات پر عمل کریں۔