مدینہ منورہ میں سب سے زیادہ گرمی، ابہا میں سردی کا زور

قومی مرکز برائے موسمیات نے بعض سعودی شہروں میں زیادہ اور کم درجہ حرارت کی پیش گوئی کی ہے۔ مرکز کے مطابق مدینہ منورہ میں آج سب سے زیادہ درجہ حرارت 38 ڈگری سینٹی گریڈ ریکارڈ ہونے کا امکان ہے، جبکہ ابہا میں سب سے کم درجہ حرارت 13 ڈگری سینٹی گریڈ رہنے کی توقع ہے۔

مرکز نے اپنی سرکاری ویب سائٹ پر بتایا کہ آج متوقع زیادہ سے زیادہ درجہ حرارت مدینہ منورہ میں 38، مکہ مکرمہ اور دمام میں 37، جبکہ ریاض اور جدہ میں 35 ڈگری سینٹی گریڈ رہے گا۔

اسی طرح ابہا میں زیادہ سے زیادہ درجہ حرارت 24، تبوک میں 32، حائل میں 34، الباحہ میں 23، عرعر میں 31، جازان میں 35 اور نجران میں 31 ڈگری سینٹی گریڈ رہنے کی توقع ہے۔

مرکز کے مطابق بعض شہروں میں کم سے کم درجہ حرارت اس طرح رہے گا: ابہا اور الباحہ میں 13، ریاض میں 22، مکہ مکرمہ میں 25، مدینہ منورہ میں 24، جدہ میں 26، نجران اور تبوک میں 17 جبکہ جازان میں 28 ڈگری سینٹی گریڈ متوقع ہے۔