مخصوص پارکنگ میں خلاف ورزی: 2366 گاڑیاں ضبط

سعودی عرب کے مختلف علاقوں میں محکمہ ٹریفک کی جانب سے چلائی گئی مہم کے دوران معذور افراد کے لیے مخصوص پارکنگ میں کھڑی ہزاروں گاڑیوں کی خلاف ورزیاں ریکارڈ کی گئیں۔ یہ کارروائی ٹریفک قوانین کی پاسداری اور معذور افراد کے حقوق کے تحفظ کے لیے جاری کوششوں کا حصہ ہے۔

محکمہ ٹریفک نے اپنے سرکاری ایکس اکاؤنٹ پر بتایا کہ مملکت بھر میں معذور افراد کے لیے مخصوص پارکنگ میں غیرقانونی طور پر کھڑی 2366 گاڑیاں ضبط کی گئی ہیں۔ یہ کارروائیاں مختلف علاقوں میں جاری نگرانی مہمات کے دوران عمل میں آئیں۔

محکمہ نے واضح کیا کہ یہ مہمات ٹریفک قوانین کی خلاف ورزیوں، خصوصاً معذور افراد کے لیے مخصوص پارکنگ میں غیرقانونی کھڑے ہونے کے واقعات کی نگرانی اور خلاف ورزی کرنے والوں کے خلاف قانونی کارروائی کے لیے جاری ہیں۔

اعرض التغريدة على منصة X

محکمہ ٹریفک نے ڈرائیوروں پر زور دیا کہ وہ ٹریفک قوانین کی پابندی کریں اور متعلقہ اداروں سے تعاون کریں، تاکہ معذور افراد کے حقوق کا تحفظ اور ان کے لیے مخصوص پارکنگ کی دستیابی یقینی بنائی جا سکے۔