عسیر میں تکنیکی اداروں کی کلاسز آن لائن منتقل

عسیر ریجن میں تکنیکی و پیشہ ورانہ تربیت کی جنرل ایڈمنسٹریشن نے جمعرات کو اعلان کیا ہے کہ علاقے کے متعدد تربیتی اداروں (لڑکوں اور لڑکیوں کے) میں حضوری تربیت کو آن لائن تربیت میں تبدیل کر دیا گیا ہے۔

انتظامیہ کے مطابق یہ فیصلہ ابہا، خمیس مشیط، احد رفیدہ، سراۃ عبیدہ، ظہران الجنوب، الفرشہ، رجال المع، اور محایل عسیر کے تربیتی اداروں پر لاگو ہوگا۔

یہ اقدام نیشنل سینٹر فار میٹرولوجی کی رپورٹس اور بارش کی درمیانی سے شدید پیش گوئی کے پیش نظر، تربیت حاصل کرنے والوں، تربیتی و انتظامی عملے کی سلامتی کے لیے کیا گیا ہے۔