وزرا کونسل کا تعلیمی وظائف میں اہل خانہ کی شمولیت کا فیصلہ

سعودی وزرا کونسل نے فیصلہ کیا ہے کہ بیرون ملک کام کرنے والے سرکاری ملازمین، سرکاری طور پر بھیجے گئے ملازمین اور طالب علم مبعوثین کے شوہر یا بیوی اور بچوں کو بھی بیچلر اور ماسٹر ڈگری کے تعلیمی وظائف میں شامل کیا جائے گا، تاہم اس کے لیے مخصوص ضوابط مقرر کیے گئے ہیں۔

یہ فیصلہ آج ریاض میں خادم الحرمین الشریفین شاہ سلمان بن عبدالعزیز کی زیر صدارت ہونے والے اجلاس میں کیا گیا۔

اعرض التغريدة على منصة X

اسی اجلاس میں وزرا کونسل نے سعودی حکومت اور اقوام متحدہ کے تربیتی و تحقیقی ادارے کے درمیان ہیڈکوارٹر معاہدے کی منظوری دی ہے، جس کے تحت ادارے کا ایک دفتر سعودی عرب میں کھولا جائے گا۔ اس کے علاوہ سعودی نیشنل سائبر سکیورٹی اتھارٹی اور اقوام متحدہ کے تربیتی و تحقیقی ادارے کے دفتر کے درمیان سائبر سکیورٹی کے شعبے میں مفاہمتی یادداشت کی بھی منظوری دی گئی ہے۔