سعودی قیادت کی ترک صدر کو یومِ جمہوریہ پر مبارکباد

خادم الحرمین الشریفین شاہ سلمان بن عبدالعزیز نے ترک صدر رجب طیب اردوان کو یومِ جمہوریہ کے موقع پر تہنیتی پیغام بھیجا۔

شاہ سلمان نے صدر اردوان کے لیے صحت و خوشی اور ترک حکومت و عوام کے لیے ترقی و خوشحالی کی نیک تمناؤں کا اظہار کیا۔

شاہ سلمان نے دونوں ممالک اور عوام کے درمیان برادرانہ تعلقات کو سراہتے ہوئے کہا کہ ان تعلقات کو ہر شعبے میں مزید مضبوط بنانے کی کوششیں جاری ہیں۔

اسی موقع پر ولی عہد و وزیراعظم شہزادہ محمد بن سلمان نے بھی ترک صدر رجب طیب اردوان کو یومِ جمہوریہ پر مبارکباد کا پیغام بھیجا۔

ولی عہد نے صدر اردوان کے لیے صحت و خوشی اور ترک حکومت و عوام کے لیے مزید ترقی و خوشحالی کی دعا کی۔