ابشر پر فیملی ممبر کی شمولیت کے طریقہ کار کی وضاحت

سعودی عرب میں محکمہ پاسپورٹ (الجوازات) نے مقیمین کے لیے اہل خانہ کے افراد کو آن لائن ابشر پلیٹ فارم کے ذریعے شامل کرنے کی سہولت فراہم کر دی ہے۔ اس مقصد کے لیے 'اضافہ تابع' سروس متعارف کرائی گئی ہے، جس کے لیے اب محکمہ پاسپورٹ کے دفاتر جانے کی ضرورت نہیں۔

محکمہ پاسپورٹ نے اپنے ایکس (سابقہ ٹوئٹر) اکاؤنٹ پر وضاحت کی ہے کہ اس سروس کے ذریعے مقیم افراد اپنے اہل خانہ کے افراد کو آن لائن شامل کر سکتے ہیں اور ان کے لیے اقامہ بھی جاری کر سکتے ہیں۔ اس سہولت سے فائدہ اٹھانے کے لیے ابشر پلیٹ فارم پر لاگ ان کریں، 'خدمات افرادِ خانہ' منتخب کریں، پھر 'خدمات مقیمین' پر جائیں اور آخر میں 'اضافہ تابع' کا انتخاب کریں۔

اعرض التغريدة على منصة X

یہ سہولت محکمہ پاسپورٹ کی جانب سے ابشر پلیٹ فارم پر فراہم کی جانے والی ان الیکٹرانک خدمات میں شامل ہے جن کے ذریعے اہل خانہ کے افراد کو آن لائن شامل کیا جا سکتا ہے۔