امام ترکی بن عبداللہ ریزرو میں 80 بھیڑیں چرانے پر شہری گرفتار

ماحولیات کی خصوصی فورس نے ایک شہری کو ماحولیات کے ضوابط کی خلاف ورزی پر اس وقت گرفتار کیا جب اس نے امام ترکی بن عبداللہ ریزرو میں ممنوعہ مقامات پر 80 بھیڑیں چرائیں۔ اس کے خلاف قانونی کارروائی عمل میں لائی گئی ہے۔

فورس نے واضح کیا کہ ممنوعہ مقامات پر بھیڑیں چرانے پر ہر جانور کے حساب سے 200 سعودی ریال تک جرمانہ عائد کیا جا سکتا ہے۔

فورس نے شہریوں سے اپیل کی ہے کہ اگر وہ ماحولیات یا جنگلی حیات کے خلاف کسی بھی قسم کی خلاف ورزی دیکھیں تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر اطلاع دیں۔ فورس نے یقین دہانی کرائی کہ تمام اطلاعات مکمل رازداری کے ساتھ لی جائیں گی اور اطلاع دینے والے پر کوئی ذمہ داری عائد نہیں ہوگی۔