سعودی و مراکشی وزرائے دفاع کا تعاون بڑھانے پر اتفاق

سعودی وزیر دفاع شہزادہ خالد بن سلمان اور ان کے مراکشی ہم منصب عبداللطیف لوديي نے دفاعی تعاون کے فروغ کے طریقوں پر بات چیت کی۔

وزیر دفاع نے ایکس پر بتایا کہ انہوں نے مراکش کے وزیر دفاع عبداللطیف لوديي سے ٹیلیفونک گفتگو میں سعودی اور مراکشی دفاعی تعاون کو مزید مضبوط بنانے کے امکانات پر بات کی، تاکہ دونوں برادر ممالک کی قیادتوں کی توقعات پوری کی جا سکیں۔ اس موقع پر انہوں نے خطے میں موجودہ حالات کے تناظر میں امن و استحکام کے لیے مشترکہ کوششوں کا بھی جائزہ لیا۔