جازان میں موسمی صورتحال، شہریوں کو احتیاط کی ہدایت

محکمہ شہری دفاع نے جازان کے مختلف علاقوں میں موسمی صورتحال کے باعث شہریوں کو احتیاط برتنے اور سرکاری ہدایات پر عمل کرنے کی ہدایت کی ہے۔ یہ انتباہ قومی مرکز برائے موسمیات کی جانب سے جاری کیے گئے ریڈ الرٹ کے بعد جاری کیا گیا ہے۔

محکمہ نے اپنے سرکاری ایکس اکاؤنٹ پر بتایا کہ علاقے میں شدید بارشیں متوقع ہیں، اس لیے شہری زیادہ سے زیادہ احتیاط کریں اور پانی جمع ہونے والی جگہوں، وادیوں اور ڈیموں کے قریب جانے سے گریز کریں تاکہ عوامی سلامتی کو یقینی بنایا جا سکے۔

محکمہ شہری دفاع نے بارش کے دوران حفاظتی ہدایات پر عمل کرنے اور سیلابی ریلوں کو عبور کرنے سے اجتناب کرنے کی اہمیت پر بھی زور دیا ہے۔