ماحولیاتی سیکیورٹی فورس نے مشرقی ریجن میں 3 غیرملکی گرفتار کیے

سعودی عرب میں ماحولیاتی سیکیورٹی فورس نے مشرقی ریجن میں یمنی اور مصری شہریت رکھنے والے 3 غیرملکیوں کو ریت اور مٹی کے ذخائر کے غیرقانونی استحصال پر گرفتار کرلیا۔ اس کارروائی میں 3 مشینیں بھی ضبط کی گئیں جو زمین کی کھدائی اور مٹی کی نقل و حمل میں استعمال ہورہی تھیں۔ خلاف ورزی کرنے والوں کے خلاف قانونی کارروائی عمل میں لائی گئی ہے۔

فورس کے مطابق ضبط شدہ مشینیں زمین کی کھدائی اور مٹی کی منتقلی کے لیے استعمال کی جارہی تھیں، تاہم بیان میں یہ واضح نہیں کیا گیا کہ کن اقسام کی معدنیات یا ذخائر کو نشانہ بنایا گیا۔

تغریر X پلیٹ فارم پر دیکھیں

ماحولیاتی سیکیورٹی فورس نے شہریوں سے اپیل کی ہے کہ اگر وہ ماحول یا جنگلی حیات کے خلاف کسی بھی قسم کی خلاف ورزی دیکھیں تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر اطلاع دیں۔ فورس نے یقین دہانی کرائی ہے کہ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔