امام ترکی بن عبداللہ ریزرو میں غیرقانونی چرائی پر شہری گرفتار

ماحولیات کے تحفظ کے لیے خصوصی فورس نے ایک شہری کو امام ترکی بن عبداللہ ریزرو میں ممنوعہ علاقے میں دس اونٹ چرانے پر گرفتار کیا ہے، اور اس کے خلاف قانونی کارروائی عمل میں لائی گئی ہے۔

فورس کے مطابق، اونٹ چرانے کی خلاف ورزی پر ہر اونٹ کے لیے 500 سعودی ریال جرمانہ عائد کیا جاتا ہے۔ فورس نے شہریوں پر زور دیا ہے کہ وہ ماحول یا جنگلی حیات کو نقصان پہنچانے والے کسی بھی واقعے کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔