خلیجی کونسل کی حوثی حملوں کی شدید مذمت

خلیجی تعاون کونسل کے سیکریٹری جنرل جاسم محمد البدیوی نے سعودی عرب پر حوثی ملیشیا کے جاری دہشت گردانہ حملوں کی شدید الفاظ میں مذمت کی ہے۔ انہوں نے کہا کہ حوثی ملیشیا کی جانب سے بیلسٹک میزائلوں اور ڈرونز کے ذریعے شہری آبادی اور تنصیبات کو بار بار اور دانستہ نشانہ بنانا ایک سنگین مجرمانہ اقدام ہے، جو اس گروہ کی دہشت گردانہ روش کو پھر سے ظاہر کرتا ہے۔

انہوں نے مزید کہا کہ حوثی ملیشیا کے یہ حملے بین الاقوامی قوانین کی کھلی خلاف ورزی اور سعودی عرب کے امن، استحکام اور شہریوں و مقیم افراد کی سلامتی کے لیے براہ راست خطرہ ہیں۔ معالی سیکریٹری جنرل نے اس عزم کا اعادہ کیا کہ خلیجی تعاون کونسل سعودی عرب کے ساتھ مکمل یکجہتی کے ساتھ کھڑی ہے اور اس کی سرزمین، سلامتی، عوام اور وسائل کے تحفظ کے لیے کیے گئے تمام اقدامات کی بھرپور حمایت کرتی ہے۔