ابشر پر کل سے الیکٹرانک نمبر پلیٹ نیلامی

محکمہ ٹریفک کل بدھ کے روز ابشر پلیٹ فارم کے ذریعے الیکٹرانک نمبر پلیٹ نیلامی کا آغاز کر رہا ہے، جس سے منفرد نمبر پلیٹس خریدنے کے خواہشمند افراد آن لائن نیلامی میں حصہ لے سکتے ہیں۔

محکمہ ٹریفک نے اپنے سرکاری ایکس اکاؤنٹ پر وضاحت کی ہے کہ نیلامی میں شرکت کے لیے سب سے پہلے ابشر پلیٹ فارم پر جائیں، پھر 'میری خدمات' منتخب کریں، اس کے بعد 'ٹریفک' پر کلک کریں اور 'الیکٹرانک نمبر پلیٹ نیلامی' سروس منتخب کریں۔

ایکس پر ٹویٹ دیکھیں

سروس میں داخل ہونے کے بعد صارف اپنی گاڑی کی نمبر پلیٹ کی قسم منتخب کرے گا، جس کے بعد دستیاب پلیٹس سامنے آ جائیں گی اور ان پر آن لائن بولی لگائی جا سکے گی۔

یہ نیلامی ابشر پلیٹ فارم کی ان الیکٹرانک خدمات میں شامل ہے جو منفرد نمبر پلیٹس خریدنے کے خواہشمند افراد کے لیے فراہم کی گئی ہیں۔