ابہا اور خمیس مشیط میں خطرہ ٹل گیا، سول ڈیفنس کا اعلان

سعودی سول ڈیفنس کی جانب سے اعلان کیا گیا ہے کہ ابہا شہر اور خمیس مشیط میں خطرہ ختم ہو گیا ہے۔ یہ اعلان اس وقت سامنے آیا جب ہنگامی حالات میں قومی ابتدائی انتباہی پلیٹ فارم کی جانب سے دونوں شہروں میں خطرے سے متعلق الرٹ جاری کیا گیا تھا۔

سول ڈیفنس نے اپنے ایکس اکاؤنٹ پر تصدیق کی ہے کہ ابہا اور خمیس مشیط میں صورت حال اب مکمل طور پر محفوظ ہے۔ شہریوں کو ہدایت کی گئی ہے کہ حفاظتی ہدایات پر عمل جاری رکھیں اور ہر قسم کے ہجوم اور فوٹوگرافی سے مکمل طور پر گریز کریں۔

یاد رہے کہ قومی ابتدائی انتباہی پلیٹ فارم نے ابہا اور خمیس مشیط میں خطرے کے پیش نظر الرٹ جاری کیا تھا، جبکہ سول ڈیفنس نے ہنگامی صورت حال میں (998) پر رابطہ کرنے کی اپیل کی تھی۔