سعودی صحت کے شعبے کی عالمی سطح پر پذیرائی، ماہرین کا اعتراف

ماہر صحت محمد السنان نے کہا ہے کہ سعودی نظام صحت کو ملنے والی بین الاقوامی تعریفیں مملکت کے صحت کے شعبے کی مضبوطی کو ظاہر کرتی ہیں۔

انہوں نے الاخباریہ چینل سے گفتگو میں مزید کہا کہ یہ اعترافات اس بات کی بھی تصدیق کرتے ہیں کہ حاصل ہونے والی کامیابیاں قومی صحت تبدیلی پروگرام اور گزشتہ دس برسوں میں نظام صحت میں ہونے والی اصلاحات اور مختلف علاقوں میں صحتی اداروں کے قیام کا نتیجہ ہیں۔

سنان نے اس جانب بھی اشارہ کیا کہ اب انسانی صحت کو اولین ترجیح دی جا رہی ہے، جس کا اثر سعودی نظام صحت کے تمام شعبوں میں خدمات کے معیار اور صحت عامہ کے تحفظ کی صورت میں نمایاں ہے۔

بین الاقوامی مالیاتی فنڈ کی رپورٹ میں بھی سعودی صحت کے شعبے کی نمایاں کامیابیوں کو سراہا گیا ہے اور کہا گیا ہے کہ جاری اصلاحات نے صحتی خدمات کی کارکردگی اور معیار میں اضافہ کیا ہے۔

اعرض التغريدة على منصة X