سعودی عرب پر حوثی حملے: سلامتی کونسل کی شدید مذمت

اقوام متحدہ کی سلامتی کونسل نے سعودی عرب پر حوثی حملوں کی شدید ترین الفاظ میں مذمت کرتے ہوئے کہا ہے کہ مملکت کو اپنے دفاع کا پورا حق حاصل ہے۔

کونسل نے مزید کہا کہ ہم سعودی عرب پر حوثی حملوں، شہریوں اور بنیادی ڈھانچے کو پہنچنے والے نقصان کی مذمت کرتے ہیں اور اس بات پر زور دیتے ہیں کہ مملکت کو بین الاقوامی قانون کے مطابق اپنے دفاع کا حق حاصل ہے۔

سلامتی کونسل کے ارکان نے اس بات پر بھی زور دیا کہ یمن میں حوثیوں کی جانب سے جاری فوجی کارروائیاں، سعودی عرب پر مسلسل حملے، بحیرہ احمر میں بین الاقوامی جہازرانی پر حملے اور باب المندب میں حوثیوں کی پیش قدمی، یہ سب اقدامات تنازعے کے دائرے کو وسیع کرنے، سمندری سلامتی اور عالمی تجارت کو خطرے میں ڈالنے کے ساتھ ساتھ یمن میں امن کے لیے علاقائی و بین الاقوامی کوششوں کو نقصان پہنچا رہے ہیں۔