جازان اور عسیر میں منشیات اسمگل کرنے کی کوشش ناکام، 5 ایتھوپیائی گرفتار

جازان اور عسیر کے سرحدی علاقوں میں بارڈر گارڈز کی زمینی گشتی ٹیموں نے طبی ضابطے کے تحت آنے والی گولیوں اور نشہ آور قات کے پودے کی اسمگلنگ کی کوششیں ناکام بنا دیں اور سرحدی قوانین کی خلاف ورزی کرنے والے پانچ ایتھوپیائی باشندوں کو گرفتار کر لیا۔

بارڈر گارڈز کے مطابق، جازان کے العارضہ سیکٹر میں گشتی ٹیموں نے طبی ضابطے کے تحت آنے والی 34 ہزار 150 گولیوں کی اسمگلنگ کی کوشش ناکام بنائی اور ایک ایتھوپیائی شہری کو گرفتار کیا۔ ایک علیحدہ کارروائی میں عسیر کے الربوعہ سیکٹر میں چار ایتھوپیائی باشندوں کو 52 کلوگرام نشہ آور قات کے پودے کی اسمگلنگ پر حراست میں لیا گیا۔

اعرض التغريدة على منصة X

حکام نے بتایا کہ گرفتار افراد کے خلاف ابتدائی قانونی کارروائی مکمل کر لی گئی ہے اور ضبط شدہ مواد کے ہمراہ انہیں متعلقہ اداروں کے حوالے کر دیا گیا ہے تاکہ قانون کے مطابق کارروائی کی جا سکے۔

اعرض التغريدة على منصة X

سکیورٹی اداروں نے شہریوں اور مقیم غیر ملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع مکہ مکرمہ، ریاض، مدینہ منورہ اور مشرقی ریجن میں (911)، دیگر علاقوں میں (999) اور (994)، یا منشیات کنٹرول کے ہاٹ لائن (995) اور ای میل ([email protected]) پر دیں۔ اطلاع دینے والوں کی مکمل رازداری کو یقینی بنایا جائے گا۔