سعودی کابینہ کی مسجد اقصیٰ پر اسرائیلی حملوں کی شدید مذمت

سعودی کابینہ نے اسرائیلی قابض حکام اور انتہا پسند آبادکاروں کی جانب سے مسجد اقصیٰ کی حرمت، اس کے دینی و تاریخی مقام پر مسلسل حملوں اور فلسطینی عوام کے جائز حقوق پر توسیع پسندانہ کوششوں کی شدید مذمت کی ہے۔

کابینہ نے ایک بار پھر اس بات پر زور دیا کہ منصفانہ اور پائیدار امن صرف دو ریاستی حل کے نفاذ اور 1967ء کی سرحدوں کے مطابق آزاد فلسطینی ریاست کے قیام اور اس کا دارالحکومت مشرقی یروشلم بنانے سے ہی ممکن ہے۔

اجلاس کی صدارت ولی عہد اور وزیراعظم شہزادہ محمد بن سلمان بن عبدالعزیز آل سعود نے آج ریاض میں کی۔