مدینہ میں افطار الصائمین کیلئے کمپنیوں سے درخواستیں طلب

مدینہ منورہ ڈویلپمنٹ اتھارٹی نے اعلان کیا ہے کہ رمضان 1448 ہجری کے دوران افطار الصائمین کی خدمات فراہم کرنے کی خواہش مند کیٹرنگ کمپنیوں سے درخواستیں وصول کی جا رہی ہیں، جو کہ علاقے کے تین اہم مقامات پر دی جائیں گی۔

اتھارٹی کے مطابق منظور شدہ مقامات میں مسجد میقات، مسجد قبلتین اور مرکز قبلتین حضاری شامل ہیں۔

اتھارٹی نے خواہشمند کمپنیوں کو ہدایت کی ہے کہ وہ سروس فراہم کرنے کے لیے تمام ضروری تقاضے پورے کریں، جن میں ادارے کے لائسنس اور اجازت نامے کے ساتھ ساتھ ملازمین کی صحت سے متعلق سرٹیفکیٹس بھی شامل ہیں۔

اتھارٹی نے مزید بتایا کہ درخواستیں آن لائن وصول کی جا رہی ہیں اور درخواستیں جمع کرانے کی آخری تاریخ سات جمادی الاول ہے، اس سے قبل درخواستیں جمع کرانا ضروری ہے۔