عسیر میں بغیر اجازت کیمپنگ پر شہری گرفتار

ماحولیاتی سکیورٹی کی خصوصی فورس نے ایک شہری کو ماحولیاتی قوانین کی خلاف ورزی پر اس وقت گرفتار کیا جب وہ عسیر ریجن میں بغیر اجازت کیمپنگ کر رہا تھا۔ اس کے خلاف ضابطے کے مطابق کارروائی کی گئی۔

فورس کے مطابق، جنگلات یا قومی پارکوں میں بغیر اجازت کیمپنگ کرنے پر تین ہزار سعودی ریال تک جرمانہ عائد کیا جا سکتا ہے۔ فورس نے شہریوں پر زور دیا ہے کہ اگر وہ ماحول یا جنگلی حیات کے خلاف کسی بھی قسم کی خلاف ورزی دیکھیں تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر اطلاع دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔