سعودی قیادت کی یمنی صدر کو 26 ستمبر پر مبارکباد

خادم الحرمین الشریفین شاہ سلمان بن عبدالعزیز آل سعود نے جمہوریہ یمن کے صدر ڈاکٹر رشاد محمد العلیمی کو ان کے ملک کے 26 ستمبر کے قومی دن پر تہنیتی پیغام بھیجا۔

شاہ سلمان نے صدر رشاد العلیمی کے لیے صحت و خوشی اور یمن کی حکومت و عوام کے لیے مزید امن و استحکام کی نیک تمناؤں کا اظہار کیا۔

اسی طرح ولی عہد و وزیراعظم شہزادہ محمد بن سلمان بن عبدالعزیز آل سعود نے بھی صدر رشاد محمد العلیمی کو 26 ستمبر کے موقع پر مبارکباد کا پیغام بھیجا۔

ولی عہد نے صدر یمن کے لیے صحت و خوشی اور یمنی حکومت و عوام کے لیے مزید امن و استحکام کی خواہش کا اظہار کیا۔