خلیجی تعاون کونسل کی سعودی عرب پر حملوں کی مذمت

خلیجی تعاون کونسل کے سیکریٹری جنرل جاسم محمد البدیوی نے حوثی ملیشیا کی جانب سے دمام میں کنگ فہد انٹرنیشنل ایئرپورٹ اور مشرقی ریجن میں شیبہ آئل فیلڈ پر کیے گئے دہشت گرد حملوں کی شدید مذمت کی ہے۔

البدیوی نے بتایا کہ ان حملوں کے نتیجے میں ہلاکتیں اور زخمی ہونے کے واقعات پیش آئے، جبکہ شہری تنصیبات کو بھی مالی نقصان پہنچا۔

ان کا کہنا تھا کہ یہ حملے حوثی ملیشیا کے شہریوں اور اہم تنصیبات کو نشانہ بنانے کے مجرمانہ رویے کی عکاسی کرتے ہیں۔

سیکریٹری جنرل نے ایک بار پھر اس عزم کا اعادہ کیا کہ خلیجی تعاون کونسل کی تمام رکن ریاستیں سعودی عرب کے ساتھ مکمل یکجہتی اور اتحاد کے ساتھ کھڑی ہیں، اور مملکت کی سلامتی، خودمختاری اور استحکام کو نشانہ بنانے والی ہر کارروائی کے مقابلے میں اس کی مکمل حمایت کرتی ہیں۔ انہوں نے کہا کہ کونسل سعودی عرب کی سرزمین، شہریوں، مقیم افراد اور اہم تنصیبات کے تحفظ کے لیے کیے جانے والے تمام اقدامات کی حمایت جاری رکھے گی۔