قصیم میں مقامی لکڑی فروخت کرنے والا شہری گرفتار

قصیم ریجن میں خصوصی روڈ سکیورٹی فورس نے ایک شہری کو ماحولیاتی قوانین کی خلاف ورزی پر اس وقت گرفتار کیا جب اس کے قبضے سے فروخت کے لیے رکھی گئی مقامی لکڑی برآمد ہوئی۔ ضبط شدہ لکڑی متعلقہ ادارے کے حوالے کر دی گئی۔

یہ کارروائی وزارت داخلہ کی جانب سے شہروں، قصبوں اور مختلف علاقوں کو ملانے والی شاہراہوں پر مقامی کوئلہ اور لکڑی کی غیر قانونی خرید و فروخت کی نگرانی کے سلسلے میں کی گئی۔ اس کے علاوہ مختلف پلیٹ فارمز پر اس غیر قانونی کاروبار کی تشہیر پر بھی نظر رکھی جا رہی ہے۔

عوامی سلامتی کے ادارے نے شہریوں پر زور دیا ہے کہ وہ ماحول یا جنگلی حیات کو نقصان پہنچانے والے کسی بھی واقعے کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور مملکت کے دیگر علاقوں میں 996 یا 999 پر دیں۔