جازان میں شدید بارش اور تیز ہواؤں کی پیش گوئی

قومی مرکز برائے موسمیات نے آج جمعرات کو جازان ریجن میں درمیانے سے شدید بارش کی پیش گوئی کرتے ہوئے انتباہ جاری کیا ہے۔ مرکز کے مطابق اس دوران تیز رفتار ہوائیں چلنے، افقی حد نگاہ میں تقریباً مکمل کمی، ژالہ باری، سیلابی ریلے اور گرج چمک کے امکانات بھی موجود ہیں۔

یہ انتباہ جازان شہر کے علاوہ الحرث، الدائر (بنی مالک)، الریث، العارضہ، العیدابی، فیفا، ہروب، الطوال، صامطہ، احد المسارحة، ابو عریش، ضمد، صبیا، الدرب، بیش، مرکز الفطیحہ اور جزیرہ فرسان پر بھی نافذ ہے۔

مرکز نے واضح کیا ہے کہ یہ موسمی صورتحال شام آٹھ بجے تک برقرار رہے گی اور شہریوں کو متوقع موسمی تغیرات کے دوران احتیاط برتنے کی ہدایت کی ہے۔