دمام میں درجہ حرارت 48 ڈگری، ابہا سب سے ٹھنڈا شہر

قومی مرکز برائے موسمیات نے ملک کے بعض شہروں میں زیادہ اور کم درجہ حرارت کی پیش گوئی کی ہے۔ مرکز کے مطابق دمام میں سب سے زیادہ درجہ حرارت 48 ڈگری سینٹی گریڈ جبکہ ابہا میں سب سے کم 19 ڈگری سینٹی گریڈ ریکارڈ کیا گیا۔

مرکز نے اپنی ویب سائٹ پر بتایا کہ آج متوقع زیادہ سے زیادہ درجہ حرارت دمام میں 48، ریاض، مکہ مکرمہ اور مدینہ منورہ میں 46، جبکہ جدہ میں 41 ڈگری سینٹی گریڈ رہے گا۔

اسی طرح ابہا میں زیادہ سے زیادہ درجہ حرارت 31، تبوک میں 39، بریدہ میں 45، الباحہ میں 30، نجران میں 40 اور جازان میں 38 ڈگری سینٹی گریڈ متوقع ہے۔

کم سے کم درجہ حرارت کی بات کی جائے تو ابہا میں 19، ریاض میں 32، مکہ مکرمہ اور مدینہ منورہ میں 34، جدہ میں 31، نجران میں 29 اور جازان میں 32 ڈگری سینٹی گریڈ ریکارڈ کیا گیا۔