نیا تعلیمی نظام پالیسی سازی میں زیادہ لچک فراہم کرے گا

تعلیمی مشیر عبداللطیف الحمادی کا کہنا ہے کہ نیا نظام تعلیم ملک میں تعلیمی قانون سازی میں ایک بڑی تبدیلی ہے اور اس سے ضوابط و پالیسیوں کی تیاری میں مزید لچک ملے گی۔

انہوں نے الاخباریہ چینل سے گفتگو میں کہا کہ مجلس شؤون التعليم سعودی تعلیمی نظام میں ایک نئی پیش رفت ہے، جو حکمرانی اور پالیسی سازی پر توجہ مرکوز کرتی ہے۔

الحمادی نے مزید کہا کہ نجی شعبے کو اسکولوں کے انتظام اور تعلیمی ماحول کی بہتری میں زیادہ کردار ملے گا۔

واضح رہے کہ شاہی فرمان کے تحت نئے نظام تعلیم کی منظوری دی گئی ہے، جس کا مقصد تعلیمی حکمرانی کو مضبوط بنانا، اہداف کے حصول کے لیے ضروری سہولیات فراہم کرنا، تعلیمی ماحول اور اس کے نتائج کو بہتر بنانا ہے، جبکہ نجی اور غیر منافع بخش شعبے کے کردار کو بھی منظم کرنا ہے تاکہ یہ سب سعودی وژن 2030 کے اہداف سے ہم آہنگ ہوں۔

اعرض التغريدة على منصة X