جازان: یمنی و ایتھوپیائی شہریوں سمیت 9 افراد قات اسمگلنگ پر گرفتار

جازان کے الدائر سیکٹر میں سرحدی محافظوں کی زمینی گشتی ٹیموں نے سرحدی سلامتی کے ضوابط کی خلاف ورزی پر یمنی اور ایتھوپیائی شہریت رکھنے والے 9 افراد کو 200 کلوگرام نشہ آور قات اسمگل کرنے کے الزام میں گرفتار کر لیا۔

سرحدی محافظوں نے اپنے ایکس اکاؤنٹ پر بتایا کہ ابتدائی قانونی کارروائیاں مکمل کر کے ملزمان اور ضبط شدہ مواد متعلقہ ادارے کے حوالے کر دیا گیا ہے۔

سکیورٹی حکام نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور شرقیہ ریجنز میں (911)، جبکہ دیگر علاقوں میں (999) اور (994) پر رابطہ کریں۔ اس کے علاوہ منشیات کنٹرول ڈائریکٹوریٹ کی ہیلپ لائن (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ وصول کی جائیں گی اور اطلاع دینے والے پر کوئی ذمہ داری عائد نہیں ہو گی۔