ٹويوٹا کیمری 2025 اور 2026 ماڈلز میں خرابی، 84 ہزار سے زائد گاڑیاں واپس طلب

وزارت تجارت نے اعلان کیا ہے کہ ٹویوٹا کیمری کے 2025 اور 2026 ماڈلز کی 84,639 گاڑیاں واپس منگوائی جا رہی ہیں، اس کی وجہ ڈیش بورڈ سسٹم میں خرابی ہے جس کے باعث ڈرائیور کو اہم معلومات نظر نہیں آتیں۔

وزارت کے مطابق اس خرابی میں سگنل لائٹس اور وارننگ لائٹس کا کام نہ کرنا، اس کے علاوہ اسٹارٹ کی اور سیٹ بیلٹ کی تنبیہی آوازوں کا بند ہو جانا شامل ہے، جس سے حادثے کا خطرہ بڑھ جاتا ہے۔

وزارت نے متاثرہ گاڑیوں کے مالکان سے کہا ہے کہ وہ Recalls.sa ویب سائٹ پر اپنے گاڑی کے چیسز نمبر کی جانچ کریں اور ضروری پروگرامنگ کے لیے عبد اللطیف جمیل کمپنی سے 8004400055 پر رابطہ کریں، یہ سروس مفت فراہم کی جائے گی۔

اعرض التغريدة على منصة X

یاد رہے کہ اس واپسی مہم کا مقصد گاڑی استعمال کرنے والوں کی حفاظت کو یقینی بنانا اور مسئلے کو جلد حل کرنا ہے۔