الباحہ میں منشیات فروشی پر 4 شہری گرفتار

سعودی محکمہ انسداد منشیات نے باحہ میں چار شہریوں کو منشیات اور طبی ضابطے کے تحت آنے والی گولیوں کی فروخت کے الزام میں گرفتار کر لیا ہے۔

گرفتار افراد کو حراست میں لے کر ان کے خلاف قانونی کارروائی شروع کر دی گئی ہے اور انہیں پبلک پراسیکیوشن کے حوالے کر دیا گیا ہے۔

سکیورٹی حکام نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع دیں۔ مکہ مکرمہ، ریاض اور مشرقی ریجن میں (911)، باقی علاقوں میں (999)، محکمہ انسداد منشیات کی ہاٹ لائن (995) یا ای میل [email protected] پر رابطہ کیا جا سکتا ہے۔ تمام اطلاعات کو مکمل رازداری کے ساتھ نمٹایا جائے گا۔