مکہ میں غیرقانونی شکار پر دو شہری گرفتار

خصوصی فورس برائے ماحولیاتی تحفظ نے ماحولیاتی نظام کے نفاذ کے دوران مکہ مکرمہ میں دو شہریوں کو بغیر اجازت شکار کرنے پر گرفتار کرلیا۔ ان کے قبضے سے ایک آتشیں بندوق، ایک ایئر گن، 167 مختلف قسم کی گولیاں، پرندوں کو بلانے کا آلہ، شکار کا جال اور 13 شکار شدہ جنگلی جانور برآمد ہوئے۔ ان کے خلاف قانونی کارروائی عمل میں لائی گئی۔

فورس نے ماحولیاتی نظام اور اس کے نفاذی ضوابط کی پابندی پر زور دیتے ہوئے کہا کہ جنگلی حیات کے شکار پر پابندی ہے۔ شکار میں جال، گرنے والے جال، پھندے یا ٹریپ کے استعمال پر 100,000 سعودی ریال جرمانہ، بغیر لائسنس اسلحہ استعمال کرنے پر 80,000 سعودی ریال جرمانہ، پرندوں کو بلانے والے آلے کے استعمال پر 50,000 سعودی ریال جرمانہ، بغیر اجازت شکار پر 10,000 سعودی ریال جرمانہ، ممنوعہ مقامات پر شکار کرنے پر 5,000 سعودی ریال جرمانہ اور بغیر اجازت تیتر کے شکار پر 1,500 سعودی ریال جرمانہ عائد کیا جائے گا۔

فورس نے شہریوں سے اپیل کی ہے کہ ماحول یا جنگلی حیات کو نقصان پہنچانے والے کسی بھی واقعے کی فوری اطلاع دیں۔ مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر رابطہ کریں۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔