وزیر تعلیم: دو لاکھ 40 ہزار اساتذہ کی تربیت کا ہدف

وزیر تعلیم یوسف البنیان نے کہا ہے کہ ہمارا ہدف دو لاکھ 40 ہزار سے زائد تعلیمی عملے کی تربیت ہے۔

وزیر تعلیم نے حکومتی پریس کانفرنس میں مزید کہا کہ معلم تعلیم کا بنیادی ستون ہے اور اساتذہ کے لیے پیشہ ورانہ تربیتی و ترقیاتی منصوبہ موجود ہے، جو تعلیمی نظام کے سب سے بڑے منصوبوں میں سے ایک ہے۔ اس مقصد کے لیے پروگرام برائے فروغ انسانی صلاحیتوں کے تحت مذکورہ تعداد کو تربیت دی جائے گی۔ گزشتہ سال 60 ہزار اساتذہ و معلمات کو تربیت دی گئی، جس کا مقصد تمام تعلیمی مراحل میں عملے کی پیشہ ورانہ ترقی ہے۔

وزیر تعلیم نے مزید کہا کہ تعلیمی نظام کی بنیادی ترجیحات میں دینی اقدار اور قومی شناخت کی پاسداری، مملکت کی تاریخ اور شخصیات پر فخر اور ان کی نمایاں حیثیت اجاگر کرنا، عربی زبان پر عبور اور اس پر فخر کرنا شامل ہے۔ انہوں نے بتایا کہ ابتدائی بچپن کی تعلیم میں داخلے کی شرح 35 فیصد سے زائد ہے، جو تعلیم کا بنیادی ستون ہے، اور ہمارا ہدف ہے کہ 2030 کے اختتام تک یہ شرح 90 فیصد تک پہنچ جائے۔