ریاض میں منشیات فروش غیر ملکی گرفتار

ریاض میں منشیات کے انسداد کے ادارے نے گھانا اور ایتھوپیا سے تعلق رکھنے والے دو غیر ملکیوں کو طبی ضابطے کے تحت آنے والی 22,417 گولیاں فروخت کرنے کے الزام میں گرفتار کر لیا۔

محکمہ انسداد منشیات نے اپنے ایکس اکاؤنٹ پر بتایا کہ ملزمان کو حراست میں لے کر ان کے خلاف قانونی کارروائی شروع کر دی گئی ہے اور انہیں مزید تفتیش کے لیے پبلک پراسیکیوشن کے حوالے کر دیا گیا ہے۔

سیکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ مکہ مکرمہ، ریاض اور شرقیہ کے علاقوں میں (911) اور باقی مملکت میں (999) پر رابطہ کریں۔ اس کے علاوہ محکمہ انسداد منشیات کی ہیلپ لائن (995) اور ای میل [email protected] پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا۔

ایکس پر اصل پوسٹ دیکھیں