ستمبر میں بارشوں کے امکانات بڑھ گئے، موسم گرما کے اختتام کا آغاز

موسمیات اور آب و ہوا کے محقق عبدالعزیز الحصینی نے کہا ہے کہ ستمبر عیسوی سال کا نواں مہینہ ہے اور یہ موسم گرما کے اختتام اور خزاں کے آغاز کا الٹی گنتی کا مہینہ سمجھا جاتا ہے، اس دوران بارشوں کے امکانات بھی بڑھ جاتے ہیں۔

انہوں نے اپنے ایکس اکاؤنٹ پر بتایا کہ اس مہینے میں رات کے وقت موسم خوشگوار جبکہ دن کے ابتدائی حصے میں گرمی رہتی ہے، تاہم جیسے جیسے دن گزرتے ہیں موسم مزید بہتر ہوتا جاتا ہے اور ہوائیں بھی چلنے لگتی ہیں۔

الحصینی کے مطابق ستمبر موسم گرما سے موسم سرما کی طرف منتقلی کا مرحلہ ہے۔ عربوں کے نزدیک موسم گرما پانچ ستمبر کو ختم ہو جاتا ہے جبکہ فلکیاتی اعتبار سے بائیس ستمبر کو اختتام پذیر ہوتا ہے، اس کے بعد دن اور رات کے اوقات برابر ہو جاتے ہیں۔