جازان میں 6 افراد گرفتار، 174 کلو گرام حشیش برآمد
جازان میں انسداد منشیات کے ادارے نے یمنی شہریوں سمیت 6 افراد کو 174 کلو گرام حشیش کی اسمگلنگ اور فروخت کے الزام میں گرفتار کر لیا۔
اہم نکات
AIسعودی محکمہ انسداد منشیات نے جازان میں سرحدی سیکیورٹی قوانین کی خلاف ورزی کرنے والے یمنی شہریت کے 3 افراد اور اسی شہریت کے 3 مقیمین کو 174 کلو گرام حشیش فروخت کرنے کے الزام میں گرفتار کر لیا ہے۔
محکمہ انسداد منشیات نے اپنے ایکس اکاؤنٹ پر بتایا کہ ملزمان کو حراست میں لے کر ان کے خلاف قانونی کارروائی شروع کر دی گئی ہے اور انہیں مزید تفتیش کے لیے پبلک پراسیکیوشن کے حوالے کر دیا گیا ہے۔
ایکس پر اصل پوسٹ دیکھیں
سیکیورٹی اداروں نے شہریوں اور مقیمین سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور مشرقی ریجن میں (911)، جبکہ دیگر علاقوں میں (999) اور (994) پر رابطہ کریں۔ اس کے علاوہ محکمہ انسداد منشیات کی ہیلپ لائن (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔