سعودی ٹریفک پولیس کا آن لائن نمبر پلیٹس نیلامی کل سے

سعودی جنرل ڈائریکٹوریٹ آف ٹریفک کل اتوار سے 'ابشر' پلیٹ فارم کے ذریعے آن لائن نمبر پلیٹس کی نیلامی کا آغاز کر رہی ہے، جس سے منفرد نمبر پلیٹس خریدنے کے خواہشمند افراد الیکٹرانک طور پر نیلامی میں حصہ لے سکیں گے۔

جنرل ڈائریکٹوریٹ آف ٹریفک نے اپنے آفیشل 'ایکس' اکاؤنٹ پر وضاحت کی ہے کہ نیلامی میں شرکت کے لیے صارفین کو 'ابشر' پلیٹ فارم پر لاگ ان کرنا ہوگا، پھر 'میری سروسز' منتخب کریں، اس کے بعد 'ٹریفک' اور پھر 'آن لائن نمبر پلیٹس نیلامی' سروس میں داخل ہوں۔

اس کے بعد صارف اپنی گاڑی کی نمبر پلیٹس کی قسم منتخب کرے گا، جس کے بعد دستیاب پلیٹس ظاہر ہوں گی جن پر آن لائن بولی لگائی جا سکتی ہے۔

ایکس پر اصل پوسٹ دیکھیں

یہ نیلامی 'ابشر' پلیٹ فارم کی ان الیکٹرانک خدمات میں شامل ہے جو منفرد نمبر پلیٹس خریدنے کے خواہشمند افراد کے لیے فراہم کی گئی ہیں۔