عرب پارلیمنٹ کے سربراہ کی حوثی حملوں کی مذمت

عرب پارلیمنٹ کے سربراہ محمد بن احمد الیمحی نے سعودی عرب پر حوثی دہشت گرد ملیشیا کے مسلسل حملوں، خصوصاً جازان اور نجران ایئرپورٹس کو نشانہ بنانے اور اس کے نتیجے میں ہونے والی زخمیوں اور مالی نقصانات کی شدید مذمت کی ہے۔

الیمحی نے اپنے بیان میں کہا کہ شہروں اور سول تنصیبات کو نشانہ بنانا بین الاقوامی قوانین کی کھلی خلاف ورزی اور خطے کے امن و استحکام کے لیے خطرہ ہے۔

انہوں نے مزید کہا کہ عرب پارلیمنٹ سعودی عرب کے ساتھ مکمل یکجہتی اور اس کی جانب سے اپنے شہریوں اور مقیم افراد کے تحفظ کے لیے کیے جانے والے تمام اقدامات کی بھرپور حمایت کرتا ہے۔

اس موقع پر عرب پارلیمنٹ کے سربراہ نے عالمی برادری پر زور دیا کہ وہ ان حملوں کے حوالے سے اپنی ذمہ داریاں پوری کرے، حملہ آوروں کو انصاف کے کٹہرے میں لائے اور خطے میں امن و استحکام کے قیام کے لیے کوششوں کی حمایت کرے۔

اسی تناظر میں الیمحی نے ایک بار پھر اس بات پر زور دیا کہ سعودی عرب کا تحفظ عرب قومی سلامتی کا لازمی حصہ ہے۔