عسیر و جازان میں 103 کلوگرام منشیات ضبط، 6 افراد گرفتار

سعودی بارڈر گارڈز کی زمینی گشتی ٹیموں نے عسیر اور جازان کے علاقوں میں دو الگ الگ کارروائیوں کے دوران 103 کلوگرام منشیاتی قات ضبط کر لیا، جن میں 6 افراد کو گرفتار کیا گیا۔ گرفتار شدگان میں ایک سعودی شہری اور پانچ یمنی باشندے شامل ہیں، جو سرحدی سیکیورٹی قوانین کی خلاف ورزی کر رہے تھے۔

عسیر کے الربوعہ سیکٹر میں بارڈر گارڈز نے پانچ یمنی باشندوں کو اس وقت گرفتار کیا جب وہ 100 کلوگرام منشیاتی قات اسمگل کرنے کی کوشش کر رہے تھے۔

اعرض التغريدة على منصة X

جبکہ جازان کے العارضہ سیکٹر میں ایک سعودی شہری کو 3 کلوگرام منشیاتی قات اسمگل کرنے کے الزام میں گرفتار کیا گیا۔

اعرض التغريدة على منصة X

حرس الحدود نے اپنے ایکس اکاؤنٹ پر وضاحت کی کہ دونوں واقعات میں گرفتار ملزمان کے خلاف ابتدائی قانونی کارروائیاں مکمل کر کے انہیں اور ضبط شدہ منشیات کو متعلقہ ادارے کے حوالے کر دیا گیا ہے۔

سیکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور مشرقی ریجن میں (911)، جبکہ دیگر علاقوں میں (999) اور (994) پر رابطہ کیا جا سکتا ہے۔ اس کے علاوہ منشیات کنٹرول ڈائریکٹوریٹ کے ہیلپ لائن (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ لی جائیں گی اور اطلاع دینے والے پر کوئی ذمہ داری عائد نہیں ہو گی۔