ابشر کے ذریعے گمشدہ شناختی کارڈ کے اجرا کی سہولت

سعودی وزارت داخلہ کے محکمہ احوالِ مدنیہ نے تصدیق کی ہے کہ ابشر ایپ کے ذریعے گمشدہ قومی شناختی کارڈ کا اجرا ممکن ہے۔

محکمہ نے ایکس پلیٹ فارم پر بتایا کہ ابشر ایپ کے ذریعے گمشدہ قومی شناختی کارڈ کے اجرا کی سروس شہریوں کو یہ سہولت فراہم کرتی ہے کہ وہ شناختی کارڈ کی گمشدگی کی اطلاع دے سکیں اور نیا کارڈ جاری کروا سکیں، جبکہ دستاویز کی ترسیل رجسٹرڈ قومی پتے پر بھی ممکن ہے۔

سروس کے طریقہ کار میں ابشر ایپ میں لاگ ان کرنا، قومی شناختی خدمات کا انتخاب، شناختی کارڈ کے اجرا کی درخواست اور گمشدہ کارڈ کا انتخاب شامل ہے۔