حوثی حملوں میں کمی، میزائل ذخائر کم ہونے کا نتیجہ: ماہر

سیاسی و عسکری امور کے ماہر بریگیڈیئر عبد الرحمن الربیعی نے کہا ہے کہ مملکت پر حوثی ملیشیا کے حملوں میں کمی کی وجہ ان کے میزائل اور ڈرون کے ذخائر میں کمی ہو سکتی ہے۔

الربیعی نے "العربیہ ایف ایم" سے گفتگو میں مزید کہا کہ حملوں میں کمی کی ایک وجہ اتحادی افواج کا حالیہ سخت پیغام بھی ہو سکتا ہے، جس میں تمام کارروائیوں کا احاطہ کیا گیا اور انتباہی لہجہ اختیار کیا گیا۔

عسکری امور کے ماہر نے مزید کہا کہ حوثی عناصر تنصیبات پر میزائل حملے بڑھا کر یہ تاثر دینے کی کوشش کر رہے ہیں کہ ان کے پاس مؤثر جوابی صلاحیت موجود ہے، لیکن وہ اس وقت ایک ہمہ گیر زمینی معرکے اور شدید فضائی کارروائیوں کا سامنا کر رہے ہیں، جس نے انہیں بدلتے ہوئے حالات اور خطے و عالمی سطح پر اپنے خلاف بنتے اتحاد کا ادراک کرنے پر مجبور کر دیا ہے۔ انہوں نے کہا کہ آج کی جنگ سابقہ معرکوں سے مختلف ہے کیونکہ "فجر یمن" آپریشن کا مقصد ریاست اور اس کے اداروں کی مکمل بحالی ہے۔

ایکس پر مکمل ٹویٹ دیکھیں