ینبع میں حرسِ سرحد نے تین ماہی گیروں کو گرفتار کر لیا

مدینہ منورہ ریجن کے ضلع ینبع میں ساحلی حرسِ سرحد کی گشتی ٹیموں نے تین سعودی شہریوں کو گرفتار کیا ہے جنہوں نے مملکت کے سمندری علاقوں میں بحری سرگرمیوں کے لیے مقررہ سکیورٹی اور سیفٹی ضوابط کی خلاف ورزی کی۔

حرسِ سرحد کے مطابق، ان افراد نے بغیر اجازت نامے کے ماہی گیری کی اور اس دوران ممنوعہ آلات کا استعمال کیا، جو کہ قوانین اور ہدایات کی صریح خلاف ورزی ہے۔

مزید بتایا گیا کہ ان کے خلاف ضابطے کے مطابق کارروائی کی گئی ہے اور اس سلسلے میں متعلقہ اداروں سے رابطہ کیا گیا ہے۔ یہ اقدامات آبی حیات کے تحفظ اور سمندری ماحول کی بقا کے لیے جاری کوششوں کا حصہ ہیں۔

اسی حوالے سے، حرسِ سرحد نے تمام شہریوں پر زور دیا ہے کہ وہ ماحول اور جنگلی حیات کے تحفظ سے متعلق قوانین و ہدایات کی پابندی کریں اور اگر کسی کو سمندری ماحول کے خلاف کوئی خلاف ورزی نظر آئے تو مکہ مکرمہ، مدینہ منورہ، ریاض اور مشرقی ریجن میں (911) اور مملکت کے دیگر علاقوں میں (994) پر اطلاع دیں۔ حرسِ سرحد نے یقین دہانی کرائی ہے کہ تمام اطلاعات کو مکمل رازداری کے ساتھ نمٹایا جائے گا۔