مدینہ منورہ میں ماحول کو آلودہ کرنے والا غیر ملکی گرفتار

خصوصی فورس برائے ماحولیاتی تحفظ نے مدینہ منورہ میں ایک پاکستانی شہری کو ماحول کو آلودہ کرنے اور مٹی کو نقصان پہنچانے کے الزام میں اس وقت گرفتار کیا جب اس نے کنکریٹ کا مواد غیر قانونی طور پر خالی کیا۔ اس کے خلاف ضابطے کے مطابق کارروائی کی گئی اور اسے متعلقہ حکام کے حوالے کر دیا گیا۔

فورس نے وضاحت کی کہ مٹی کو نقصان پہنچانے یا آلودہ کرنے، اس کے قدرتی خواص کو متاثر کرنے یا اس سے فائدہ اٹھانے کی صلاحیت کو منفی طور پر متاثر کرنے والے کسی بھی عمل یا سرگرمی پر زیادہ سے زیادہ 10 ملین سعودی ریال تک جرمانہ عائد کیا جا سکتا ہے۔ فورس نے شہریوں سے اپیل کی کہ وہ ماحول یا جنگلی حیات پر حملے کے کسی بھی واقعے کی اطلاع مکہ مکرمہ، مدینہ منورہ، ریاض اور مشرقی ریجن میں 911 پر اور مملکت کے دیگر علاقوں میں 999 یا 996 پر دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔