سعودی عرب میں یمنی باشندوں کے لیے اصلاحی مہم دو ماہ جاری رہے گی

سعودی محکمہ پاسپورٹ کے ترجمان، مقدم ناصر العتیبی نے اعلان کیا ہے کہ مملکت میں مقیم یمنی باشندوں کے لیے اصلاحی مہم 11 اکتوبر سے شروع ہو چکی ہے، جو دو ماہ تک جاری رہے گی۔

العتیبی نے «الاخباریہ» چینل سے گفتگو میں واضح کیا کہ صرف وہ افراد متعلقہ اداروں سے رجوع کریں جن کے پاس مملکت میں قیام کے لیے کوئی دستاویزات یا پاسپورٹ نہیں ہیں، جبکہ دیگر افراد کو اس کی ضرورت نہیں۔

ایکس پر مکمل خبر دیکھیں

انہوں نے مزید بتایا کہ جو افراد کام سے غیر حاضر ہیں یا جن کے اقامے کی مدت ختم ہو چکی ہے، ان کے معاملات وزارت افرادی قوت و سماجی بہبود اور وزارت داخلہ کے منظور شدہ پلیٹ فارمز کے ذریعے طے کیے جائیں گے، جیسا کہ مقررہ طریقہ کار ہے۔