سعودی و کویتی وزرائے خارجہ کا علاقائی صورتحال پر تبادلہ خیال

وزیر خارجہ شہزادہ فیصل بن فرحان بن عبداللہ کو کویت کے وزیر خارجہ شیخ جراح جابر الاحمد الصباح کا ٹیلیفون موصول ہوا۔

رابطے کے دوران دونوں وزرائے خارجہ نے برادرانہ تعلقات اور خطے کی تازہ صورتحال پر تبادلہ خیال کیا۔ اس موقع پر دونوں جانب سے مملکت کے شہری علاقوں پر حوثی ملیشیا کے جاری حملوں کی شدید مذمت کی گئی اور دونوں ممالک نے اپنے امن و استحکام کے تحفظ کے لیے مکمل یکجہتی کا اظہار کیا۔