ماحولیاتی قوانین کی خلاف ورزی پر چار غیرملکی گرفتار

خصوصی فورس برائے ماحولیاتی تحفظ نے مکہ مکرمہ میں چار غیرملکی باشندوں کو گرفتار کیا ہے، جن کا تعلق پاکستان، سوڈان، مصر اور یمن سے ہے۔ ان افراد پر الزام ہے کہ انہوں نے ماحولیاتی نظام کی خلاف ورزی کرتے ہوئے ریت اور مٹی کے ذخائر کا غیرقانونی استحصال کیا۔

سیکیورٹی حکام کے مطابق، کارروائی کے دوران 17 مشینیں ضبط کی گئیں جو زمین کی کھدائی اور مٹی کی نقل و حمل میں استعمال ہو رہی تھیں۔

فورس نے شہریوں اور مقیم افراد پر زور دیا ہے کہ وہ ماحولیاتی یا جنگلی حیات پر کسی بھی قسم کے حملے کی اطلاع دیں۔ مکہ مکرمہ، مدینہ منورہ، ریاض اور مشرقی ریجن میں اس مقصد کے لیے 911 جبکہ دیگر علاقوں میں 999 اور 996 پر رابطہ کیا جا سکتا ہے۔

حکام نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔

اعرض التغريدة على منصة X