امام عبدالعزیز بن محمد ریزرو میں غیرقانونی چرائی پر شہری گرفتار

خصوصی فورسز برائے ماحولیاتی تحفظ نے ایک شہری کو ماحولیاتی نظام کی خلاف ورزی پر اس وقت گرفتار کیا جب اس نے امام عبدالعزیز بن محمد ریزرو میں ممنوعہ مقامات پر 17 اونٹ چرائے۔ اس کے خلاف قانونی کارروائی عمل میں لائی گئی۔

فورسز نے واضح کیا کہ اونٹ چرانے پر فی اونٹ 500 سعودی ریال تک جرمانہ عائد کیا جا سکتا ہے۔ شہریوں پر زور دیا گیا ہے کہ وہ ماحول یا جنگلی حیات پر کسی بھی قسم کے حملے کی اطلاع مکہ مکرمہ، مدینہ منورہ، ریاض اور مشرقی ریجن میں 911، جبکہ دیگر علاقوں میں 999 یا 996 پر دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔