مکہ میں ماحولیاتی نظام کی خلاف ورزی پر 4 افراد گرفتار

خصوصی فورس برائے ماحولیاتی تحفظ نے مکہ مکرمہ میں ماحولیاتی نظام کی خلاف ورزی پر چار غیر ملکی باشندوں کو گرفتار کیا ہے، جن کا تعلق پاکستان، سوڈان، مصر اور یمن سے ہے۔ یہ افراد علاقے میں ریت اور مٹی کے ذخائر کا غیر قانونی استحصال کر رہے تھے۔

فورس کے مطابق کارروائی کے دوران 17 بھاری مشینیں بھی ضبط کی گئیں، جو زمین کی کھدائی اور مٹی کی نقل و حمل میں استعمال ہو رہی تھیں۔ خلاف ورزی کرنے والوں کے خلاف قانونی کارروائی عمل میں لائی گئی ہے۔

خصوصی فورس نے شہریوں اور مقیم افراد پر زور دیا ہے کہ وہ ماحول یا جنگلی حیات پر کسی بھی قسم کے حملے کی صورت میں اطلاع دیں۔ مکہ مکرمہ، مدینہ منورہ، ریاض اور مشرقی ریجن میں اس مقصد کے لیے (911) جبکہ باقی علاقوں میں (999) اور (996) پر رابطہ کیا جا سکتا ہے۔

فورس نے یقین دہانی کرائی کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔