دفاعِ مدنی کی ہدایت: ہنگامی صورت میں فوری اطلاع دیں

محکمہ دفاعِ مدنی نے شہریوں اور مقیم افراد سے اپیل کی ہے کہ اگر کہیں دھواں اٹھتا دیکھیں یا کوئی ہنگامی صورتحال پیش آئے تو فوراً اطلاع دیں۔

دفاعِ مدنی نے ایکس پلیٹ فارم پر وضاحت کی کہ مکہ مکرمہ، مدینہ منورہ، ریاض اور مشرقی ریجن میں ہنگامی اطلاع کے لیے 911 جبکہ دیگر علاقوں میں 998 پر رابطہ کیا جا سکتا ہے۔

محکمہ نے یہ بھی یقین دہانی کرائی کہ تمام اطلاعات کو مکمل رازداری کے ساتھ نمٹایا جاتا ہے اور اطلاع دینے والوں پر کوئی قانونی ذمہ داری عائد نہیں ہوتی۔