سعودی عرب میں آج گرج چمک کے ساتھ بارش اور تیز ہوائیں متوقع

محکمہ موسمیات نے آج کے موسم کی رپورٹ میں بتایا ہے کہ جازان، عسیر اور باحہ کے مختلف حصوں میں گرج چمک کے ساتھ بارش، ژالہ باری اور تیز ہوائیں چلنے کا سلسلہ جاری رہے گا، جو مکہ مکرمہ کے پہاڑی علاقوں تک پھیل سکتا ہے۔ اس کے علاوہ مشرقی اور ریاض کے جنوبی حصوں میں بھی بارش برسانے والے بادل بننے کا امکان ہے۔ رپورٹ کے مطابق، شمالی سرحدی علاقہ، قصیم، ریاض اور نجران کے کچھ حصوں میں تیز ہوائیں گرد و غبار کا باعث بن سکتی ہیں، جس سے مشرقی علاقے اور مدینہ منورہ و مکہ مکرمہ کے ساحلی حصوں میں حد نگاہ تقریباً ختم ہو سکتی ہے۔

رپورٹ میں مزید بتایا گیا ہے کہ بحیرہ احمر میں سطحی ہوائیں شمال مغرب سے مغرب کی سمت 15 سے 40 کلومیٹر فی گھنٹہ کی رفتار سے چلیں گی، جبکہ جنوبی حصے میں بارش والے بادل بننے پر یہ رفتار 50 کلومیٹر فی گھنٹہ سے بھی تجاوز کر سکتی ہے۔ سمندر کی لہریں آدھے میٹر سے ڈیڑھ میٹر تک بلند ہوں گی اور جنوبی حصے میں بارش والے بادل بننے پر دو میٹر سے بھی زیادہ ہو سکتی ہیں۔ اس دوران سمندر کی حالت ہلکی سے درمیانی اور جنوبی حصے میں کبھی کبھار تیز لہروں والی رہے گی۔

خلیج عرب میں ہوائیں شمال مغرب سے مغرب کی سمت شمالی اور وسطی حصے میں 20 سے 45 کلومیٹر فی گھنٹہ جبکہ جنوبی حصے میں شمال مشرق سے شمال مغرب کی سمت 10 سے 32 کلومیٹر فی گھنٹہ کی رفتار سے چلیں گی۔ شمالی اور وسطی حصے میں لہریں ایک سے دو میٹر تک اور جنوبی حصے میں آدھے میٹر سے ڈیڑھ میٹر تک بلند ہوں گی۔ اس دوران شمالی اور وسطی حصے میں سمندر درمیانے درجے کی لہروں والا اور جنوبی حصے میں ہلکی سے درمیانی لہروں والا رہے گا۔