عسیر میں پانچ کلو گرام منشیات اسمگلنگ کی کوشش ناکام

عسیر کے الربوعہ سیکٹر میں بارڈر گارڈز کی زمینی گشتی ٹیموں نے پانچ کلو گرام منشیات کی اسمگلنگ کی کوشش ناکام بنا دی۔

حرس الحدود نے اپنے سرکاری ایکس اکاؤنٹ پر بتایا کہ ابتدائی قانونی کارروائی مکمل کر کے ضبط شدہ منشیات متعلقہ ادارے کے حوالے کر دی گئی ہیں۔

سکیورٹی اداروں نے شہریوں اور مقیم افراد سے اپیل کی ہے کہ اگر انہیں منشیات کی اسمگلنگ یا فروخت سے متعلق کوئی معلومات ہوں تو وہ مکہ مکرمہ، مدینہ منورہ، ریاض اور مشرقی ریجن میں 911، جبکہ دیگر علاقوں میں 999 یا 994 پر اطلاع دیں۔ اس کے علاوہ جنرل ڈائریکٹوریٹ آف نارکوٹکس کنٹرول کے نمبر 995 یا ای میل (Email :[email protected]) پر بھی رابطہ کیا جا سکتا ہے۔ تمام اطلاعات مکمل رازداری کے ساتھ وصول کی جائیں گی اور اطلاع دینے والے پر کوئی ذمہ داری عائد نہیں ہوگی۔